عاصم شاہ تخت پر رویا ،ہائے ربّا کے ہویا
کوئی دِن جاگ نِصیب اساڈا، ونج کِتے ول سویا
سیف ملُوک پیا وِچ قیدے ،بھٹھ پیا میں جیواں
کھانا زِہر نوالے ہویا، رتُّو دِے گھُٹ پیواں
بند اندر فرزند جنہاں دے، پائی تند اولّی
تخت چِخا سِر تاج تبر ہے، پیڑ اندر جد ہلّی
شاہزادے دے پیریں سنگل، ہویا بُہت نمانا
ہِک عذاب مُحبّت سندا، دُوجا قید ٹِکانا
سُکھیا بدن شاہزادہ نالے، نازک بال ایانا
تازہ پھُل مُحمّدبخشا، دُھپ لگّی کُملانا
