ماں

کرکے احسان سارے جتاندے رھے
ماں دے باہجوں کسے وی بھلایا نہیں

جس نے دیکھی نہیں ماں اوہ کی جاندا؟
مشک جنت کدے اُس نوں آیا نہیں

اُس نوں جنت دے در دی ہوا مل گئی
جس نے ماں دے حکم نوں اُڑایا نہیں

ڈُبدا رہندا اے دل میرا ماں دے بناں
سِر تے میرے ریہا ماں دا سایا نہیں

درد دل وچ ھے ماں دے جو اولاد دا
ہور کدھرے وی رب نے بسایا نہیں

ماں خزانہ ہے رحمت دا اوہ بے بہا
جس نوں گنتی دے وچ کوئی لیایا نہیں

قلم گھس گئی اے سیاہی ختم ہوگئی
ذکر ماں دے کسے لکھ مکایا نہیں

سلسہ دیکھ لے توں لوائ ذرا
ماں دے باہجوں خدا نے چلایا نہیں