مانواں ٹھنڈیاں چھاواں ماں دی کر سیوا
ھر دم دیوے دعاواں ماں دی کر سیوا
ایہہ ویلا پھر ہتھ نئیںو ں آؤنا کلیاں بہہ کے توں پچھتاؤنا
نہ بھر ٹھنڈیاں ہانواں ماں دی کر سیوا
ہر دم دوے دعاواں ماں دی کر سیوا
ماں جگ دا انمول خزانہ جس دی ہر اک صفت شہانہ
کیہڑی صِفت گناواں ماں دی کر سیوا
ہر دم دیوے دعاواں ماں دی کر سیوا
ماں ھر ویلے رحمت ونڈ دی چوری دیوے گھیو تے کھنڈ دی
رحمت دا پرچھانواں ماں دی کر سیوا
ہر دم دیوے دعاواں ماں دی کر سیوا
تیں نوں سِدّھے راہ تے پاوے ہر دم پیار دے چوپے لاوے
کیہڑی گل سمجھاواں ماں دی کر سیوا
ہر دم دیوے دعاواں ماں دی کر سیوا
ماں دی زیارت عین عبادت ماں ورگی نئیں کوئی سنگت
حشر دا ہے سرنانواں ماں دی کر سیوا
ہر دم دیوے دعاواں ماں دی کر سیوا
ماں ای سارے لاڈ لڈاوے تیرا دُکھ تے درد ونڈاوے
کر دی دور بلاواں، ماں دی کر سیوا
ہر دم دیوے دعاواں ماں دی کر سیوا
ماں دنیا وچ تحفہ رب دا جیہڑا دولت نال نئیں لبھدا
اکھاں وچ لُکاواں ماں دی کر سیوا
ہر دم دیوے دعاواں ماں دی کر سیوا
ماں دے قدماں تھلے جنت تن من وار کے کر لئے خدمت
ماں دھل دا پرچھاواں ماں دی کر سیوا
ھر دم دوے دعاواں ماں دی کر سیوا
ایہہ پھل کدے نئیں مرجھاندا اس دا مشک کدے نئیں جاندا
چلدیاں رہن ہواواں ماں دی کر سیوا
ہر دم دیوے دعاواں ماں دی کر سیوا
نور احمد شاہ جِت گیا بازی، جے کر ماں نوں کر لیا راضی
بھیناں نال بھرانواں ماں دی کر سیوا
ہر دم دیوے دعاواں ماں دی کر سیوا
ماں دی کر سیوا
حوالہ: ماں؛ ندیم ظفر پبلشرز لاہور؛ صفحہ 36 ( ویکھو )
