فجری فجری بنھِیں اُتے چھاں پئی لاہندی پِپلے دی
چن دِیاں چِترِیاں کدھاں نالو لَو پئی اُکھڑے تارے دی
امبراں اُتو تارو چُن کے سورج کتھے ویندا وے
خورے کتھے گھن ویندا وَے بھر کے جھول ہنھیرے دی
جاں وی اساں موچھے پائے ٹاہناں اکھیں کڈھیاں نیں
آہلنے اُتو واج سنڑیپی سانوں چیک چہاڑے دی
میں وی اوہدے ڈیرے اگو کھنگھ کے لگنو رہندا نانہہ
پِپلے تلے پے ویندی اے، نِت پنچیت وڈیرے دی
بھانویں ویر نہ پُچھن اُکے، عیدی اُتے دھیاہنڑِیں نوں
قابل سائیں وت وی رہندی تک تے پیکے جُھگے دی
حوالہ: اپار، سانجھ؛ صفحہ 61 ( ویکھو )
