کجل بھنی اکھ دا منظر سانبھ لیا

رفاقت حسین ممتاز

کجل بھنی اکھ دا منظر سانبھ لیا

جہڑا جدھروں آیا، پتھر سانبھ لیا

گنڈھ جوڑ کے لیراں لتھے ورقے نوں

مصرع مصرع، اکھر اکھر سانبھ لیا

کل دے وانگر اج وی لنبڑاں، خاناں نیں

دانا پھکا، کھیتر کھیتر سانبھ لیا

سڑ بل گئیاں پوراں بھاویں ہتھ دیاں

ایہ پر بجھدا بلدا اتھر سانبھ لیا

میں ممتاز رفاقت اپنے اکھراں وچ

سر پھریاں یاداں دا لشکر سانبھ لیا

دوجی لِپی وچ پڑھو

Roman    ਗੁਰਮੁਖੀ   

رفاقت حسین ممتاز دی ہور شاعری