میں دا مطلب توں ہویا اے

میں دا مطلب توں ہویا اے
تد چُلھے وچ دُھوں ہویا اے

ہر ہک ال کنڈ کیتی اے تے
تاں تیرے ول مونہہ ہویا اے

میں ہک سکھ دا ساہ ہندا ہا
مُڑ ایہہ ہوون جُوں ہویا اے

کندھی یاد دا چیتر چڑھیا
پنڈا لُوں لُوں ہویا اے

جُوں میں شوق دا رستہ ملیا
سو سو میل کڑوں ہویا اے

میں مٹی دا ایہندا مطلب
میرا ہوند گھروں ہویا اے

جنا بھکھ توں پاسا وٹیا
اوناں نیڑ سگوں ہویا اے

رُت اگھڑی کہ اکھ اگھڑی اے
کچھ تاں نیندر نوں ہویا اے

جاندی رات نوں مل لا ناصر
کدھرے کُکڑوں گُھوں ہویا اے