ہس یا راتے رو میں پورا ہونا ایں

ہس یا راتے رو میں پورا ہونا ایں
میں فجراں دی لو میں پورا ہونا ایں

ازلاں توں میں دھوڑ جو اُڈدی واندی اے
میری مٹی گو میں پورا ہونا ایں

اجے تاں پورا تینوں کردا وانا میں
توں ہُن پورا ہو، میں پورا ہوناایں

چیتر چیت بہاراں آؤنا ویکھ لویں
رُت ونڈنی خوشبو میں پورا ہونا ایں

جھٹ ہک ویکھ کے تماشا نظراں دا
جھٹ ہک یار کھلو میں پورا ہونا ایں

رات چڑی دے بوہے اگے آ گئی اے
رکھیں جھٹ کنسو میں پورا ہونا ایں

اجے ایہہ گھانی کد کسے دا تھوبا نہیں
پیر اجے نہ دھو میں پورا ہونا ایں

میری موت تے گونگے اتھرو نہ بھئی نہ
مینوں پِٹ کے رو میں پورا ہونا ایں

جیہڑی ہجر پڑھا وی سور کے اللہ نوں
ناصر نیتیں سو میں پورا ہونا ایں