راہ کول پاہلوں پینڈا کوئی ناہ
میں اُنج ہاہ، پر اینا کوئی ناہ
کدھاں مینوں گھر دِتا ای
نہیں تے میتھوں بُوہا کوئی ناہ
ہڈوں وی توں کلا کوئی نہیں
بس ایہہ میرا چہرہ کوئی ناہ
امبروں سد سُنیندے ناہنی
امبر ایڈا اُچا کوئی ناہ
ویکھ کے تینوں ساہ آؤندا اے
کم تاں مینوں ایڈا کوئی ناہ
موت نوں مونہہ تے لے تاں آیاں ایں
اُنج توں مینوں دسنا کوئی ناہ
میرے سد چھڑا چھڈے نی
آکھ کے بس ایہہ، سُنیا کوئی ناہ
میرے ہاں تے پیر ہاہ اوہندا
ٹُریا جاندا، ٹُریا کوئی ناہ
پُھل خوشبو ہا اودوں تیکر
ویلے جد تائیں سُنگھیا کوئی ناہ
جنت دا میں دینے دار ہاں
میرے کول تماشا کوئی ناہ
اکھ دی ناصر سونہہ نہیں دیندا
دل کول قسمے دوجا کوئی ناہ
آکھ سُو ناصر رونا کاہدا
گھر ہا اپنا، جانا کوئی ناہ
