پیراں نوں کوئی بُھل تاں نہیں نا!
منزل پدھ دا مُل تا ں نہیں نا!
منظر نوں ہُن کیہڑا آکھے
رنگ وی جُز نیں کُل تاں نہیں نا!
ویلا پٹی بنھ چھڈدا اے پر
بندے جاندے گُھل تاں نہیں نا!
اُنج تاں اج وی چیتر ساوا اے
پر اوہ اگلے تُل تاں نہیں نا!
تیرے جیہا چن لگدا اے پر
تیرے جیہا بلکل تے نہیں نا!
موئی حیاتی پِٹ پِٹ اکھے
میں اُنج موت دا مُل تاں نہیں نا!
آس کِھڑے تے ساہ کِھڑدا اے
اُنج ایہہ ساہ کوئی پُھل تاں نہیں نا!
انبر جھولی چھنڈے وی تے
تارے جاندے ڈُلھ تاں نہیں نا!
دیکھ تو اوہنوں جَھک کے ناصؔر
تینوں ایڈی کُھل تے نہیں نا!
