بُجھی اگ بھخا جاوے اُمید تے نہیں

بُجھی اگ بھخا جاوے اُمید تے نہیں
آن کے مُکھ دِکھا جاوے اُمید تے نہیں

کمرے دی ترتیب بدل کے ویکھ زرا
شاید نیندر آجاوے اُمید تے نہیں

اُس دے پیار دی نِگھ جویں انگارہ ہے
کاش برف پگھلا جاوے اُمید تے نہیں

اکو اک تصویر تے ساہواں رُکیاں نیں
کدھرے اکھ اُکتاجاوے اُمید تے نہیں

سُنیا سی کہ ایس ورہے اوہ آویگا
آوے، درد گھٹا جاوے امید تے نہیں

بستر تے اک لاش پئی ہے شاعر دی
خورے کوئی دفنا جاوے اُمید تے نہیں