رات نے اخیر بُوہے کھڑکائے
میں ہندی تے بولدیاں کندھاں
اگ دا ہجر نہیں، ہجر میرا
کندھاں اُتے سویرا کیہڑا
کدی پھراں میں چھاں توں اپنی
مُکدی جاواں ہتھاں توں
جیوندی رہوے میرے گھر دی مٹی
قبراں مٹی
اکھاں مٹی
چاننی کول وی مِٹی مِٹی
جیوندی رہوے اوہ جیہدی اگ دی مِٹی
واگاں ہتھ نیں عمر گزارن
بندہ اکو ای تھاں دا سفری
چن بلدا راتیں
اگ بندیاں نالی پئی سڑدی
مِٹی آکھے ہور کوئی
توبہ دی نہ ٹور کوئی
اسیں عشق دی قبریں سپ ویکھے
اسیں ماس توں دُور کدوں سُتے
اسیں اکھ دی ٹوروں کدوں نکلے
دھپ دی آہو ٹر دی اے
جے بندے دی کوئی چھاں ہووے
اوہ ماس ماس مر گئے نیں
جیہناں نوں میں اکھ اکھ جمیا
اکھ مِٹی دا راز نہیں
روح کوئی گھر نہیں
جسم تے موت دی ہار نہیں
کِتھے وکاں ربا، مِٹی دا بزار نہیں
میں اوہ قیدی
جتھے قید تے نہ زنجیراں نیں
میں اوہ قیدی
جیہدی سولی اوہدی چادر اے
میں اوہ قیدی
جیہدی اکھ توں لے کے اکھ قیدی
میں اوہ قیدی
جیہدے ہتھ توں لے کے زنجیر قیدی
