بندگی باجھوں بندہ ناہیں
بندگی رَچدی ہڈاں تاہیں
پل وچ مُکدے دَھندے
اساں بنئے رب دے بندے
اصلوں دنیا گجھی مایا
اکھ نمانی بھید نہ پایا
تھاں تھاں پیندے پھندے
اساں بنئے رب دے بندے
اساں غیر نوں اندروں کڈہیے
کدے در توبہ نہ چھڈیئے
بھاونویں ہویئے لکھ لکھ مندے
اساں بنئے رب دے بندے
میراں نانگ گُر گیانی
مِٹھی لگدی گُر دی بانی
جِند دے کھولے جندے
اساں بنئے رب دے بندے
حوالہ: کافیاں (چونواں کلام)؛ شہزاد قیصر؛ سچیت (لاہور)؛ صفحہ 322