جتھے عِطراں دے وگدے نیں چو
نی اوتھے میرا یار وسدا
جتھوں لنگھدی ہے پوَن وی کھلو
نی اوتھے میرا یار وسدا
ننگے ننگے پیریں جتھے آون پربھاتاں
رِشماں دی مہندی پیریں لاون جتھے راتاں
جتھے چاننی چ نھاوے خوشبو
نی اوتھے میرا یار وسدا
جتھے ہَن مُنگیا چندن دیاں جھنگیاں
پِھرن شعاوا ں جتھے ہو ہو ننگیاں
جتھے دیویاں نُوں لبھدی اے لو
نی اوتھے میرا یار وسدا
پانیاں دے پٹاں اُتے سویں جتھے آتھن
چُنگیاں مریوے جتھے مِرگاں دا آتن
جتھے بدو بدی اکھ پیندی رو
نی اوتھے میرا یار وسدا
بُھکھے بھانے سوَن جتھے کھیتاں دے رانے
سجناں دے رنگ جیہے کنکاں دے دانے
جتھے دماں والے لیندے نیں لکو
نی اوتھے میرا یار وسدا
جتھے عطراں دے وگدے نیں چو
نی اوتھے میرا یار وسدا
جتھوں لنگھدی ہے پون وی کھلو
نی اوتھے میرا یار وسدا
حوالہ: کلامِ شِو؛ سانجھ؛ 2017؛ صفحہ 215 ( ویکھو )
