رات چاننی میں ٹُراں
میرا نال ٹُرے پرچھاواں
جِندے میریے
گلیئے گلیئے چانن سُتے
میں کِس گلیئے آواں
جندے میریئے
ٹھیکر پہرا دین سُگندھیاں
لوری دین ہواواں
جِندے میریئے
میں رِشماں دی واقف ناہیں
کیہڑی رِشم جگاواں
جِندے میریئے
جے کوئی رشم جگاواں اڑیئے
ڈاڈھا پاپ کماواں
جِندے میریئے
ڈر دی ڈر دی ٹُراں نمانی
پولے پب ٹِکاواں
جِندے میریئے
ساڈے پوتڑیاں وِچ بِرہا
رکھیا ساڈیاں ماواں
جِندے میریئے
چانن ساڈے مُڈھوں ویری
کیکن انگ چُھہاواں
جِندے میریئے
رات چاننی میں ٹُراں
میرا نال ٹُرے پرچھاواں
جِندے میریئے
گلیئے گلیئے چانن سُتے
میں کِس گلیئے آواں
جِندے میریئے
حوالہ: کلامِ شِو؛ سانجھ؛ 2017؛ صفحہ 376 ( ویکھو )
