جد دوست نہیں ہوندا

جد دوست نہیں ہوندا
پیڑ وی مر جاندی اے
ہنجواں تے اُنگلاں تے ہونٹھاں وچ

جد دوست نہیں ہوندا
تاں دل دی دھک دھک بند نہیں ہوندی
تے جینا پیندا اے
جیون دے بنا

جد دوست نہیں ہوندا
تاں چٹی دہاڑ مسکراوندی رہندی
تے میرا ہتھ پھڑ کے باری چوں وکھاوندی
گلیاں وچ وگدا دیس دا لہو
پھائیاں دی قطار توں پرانہہ

جد دوست نہیں ہوندا
بجھ جاندی اے
شاعری تے شام تے ڈسکن ورگی آس

جد دوست نہیں ہوندا
کھڑدا اے گلاب
تے سوں جاندا اے
جیل وچوں جھاکدی اکھ دے پھٹ وچ کلا

جد دوست نہیں ہوندا
تاں کوئی حادثہ نہیں ہوندا
خلقت دی گونج
ہر سویر فٹ پاتھاں چوں اُگدی اے
تے لوک راج دا سوال
پولیس دے تسبیہے نال مرن والے قیدی

جد دوست نہیں ہوندا
تاں حیاتی ہوندی اے گنگے ٹیلی فون ورگی
جینہوں تکدیاں تکدیاں نظر تھک کے ڈگ پیندی اے

رات تے چانن دے وچکار