انور مسعود
انور مسعود پنجابی، فارسی تے اردو دے اُچیچے شاعر تے لکھیک نیں۔ آپ سن ۱۹۳۵ نُوں گجرات وِچ پیدا ہوئے تے ابتدائی تعلیم توں بعد لاہور آگئے۔ آپ دی وجہ شہرت آپ دیاں پنجابی نظماں نیں جو لوکائی توں تعلق رکھدیاں نیں تے پنجابی معاشرے دے مختلف کرداراں وچ مزاح دا رنگ بھردِیاں نیں۔ ایہناں نظماں راہیں اوہ نہ صرف ہاسے کھلاردے نیں بلکہ معاشرے دےڈونگھے مسائل اجاگر کردے نیں۔ آپنیاں نظماں دے سنجیدہ رُخ بارے کیہندے نیں کہ جے ایہناں نظماں وِچوں ہاسے نچوڑئیے تے ہنجُو کِرن لگ پین-