(ایہہ نظم فلپائن دے اک جزیرے پلاون تے لکھی)
ایہہ بستی۔۔۔ ایہہ کیہو جیہی بستی
جِتھے حُسن بے قدرا
جِتھے معصومی لئی
اندر تار نہیں ہلدی
جِتھے موہرا پیندی جِندڑی دی
روز دیہاڑے مُسکاؤن دی ہمت
بھورا بھورا کرکے
مُکدی جاندی
جِتھے جِندڑی ناں عزتاں تے احتراماں والے
بُھلدی جاندی
جِتھے سفر مُسافر لئی
ہر جا اِکو رنگ وِچ رنگی
ایہہ بستی۔۔۔ ایہہ کیہو جیہی بستی
(پلاون، فلپائن)
حوالہ: پیار مارکیٹ؛ ( ویکھو )
