اپنے سنگ رلائیں پیارے

اپنے سنگ رلائیں پیارے، اپنے سنگ رَلائیں

پہلے نیونہہ لگایا سی تیں، آپے چائیں چائیں
میں لایا ہے کہ تُدھ لایا، اپنی اور نِبھائیں
راہ پوَاں تاں دھاڑے بیلے، جنگل لکھ بلائیں
بُوکن چِیتے چِت مچتے، بھوگن کرن ادائیں
تیرے پار جگاتر چڑھیا، کنڈھے لکھ بلائیں
ہول دِلے توں تھر تھر کنبدا، بیڑا پار لنگھائیں
کرلَے بندگی رب سچے دی، پَون قبول دعائیں
بُلھے شاہ نُوں شوہ دا مُکھڑا، گُھونگٹ کھول وکھائیں

اپنے سنگ رَلائیں پیارے، اپنے سنگ رَلائیں