بھینا! میں کتدی کتدی ہُٹّی

بھینا! میں کتدی کتدی ہُٹّی

پچّھی، پِڑی پچھواڑے رہ گئی، ہتھ وچ رہ گئی جُٹّی
اگّے چرخا پِچّھے پیہڑا، میرے ہتّھوں تند تَرُٹّی
بَھوندا بَھوندا اُورا ڈِگا، چھب اُلجھی، تند ٹُٹّی
بھلا ہویا میرا چرخا ٹُٹّا، میری جِند عذابوں چُھٹّی
داج دہیج اوس کیہ کرنا، جِس پریم کٹوری مُٹھّی
اوہو چور میرا پگڑ منگاؤ، جِس میری جِند کُٹھّی
بُلّھا شوہ نے ناچ نچائے، اوتھے دُھم پئی کرکُٹّی

بھینا! میں کتدی کتدی ہُٹّی