جِس تن لگیا عشق کمال ناچے بے سُر تے بے تال درد منداں نوں کوئی نہ چھیڑے جس نے آپے دُکھ سہیڑے جمنا جیونا مُول اُکھیڑے بُوجھے اینا آپ خیال جِس تن لگیا عشق کمال ناچے بے سُر تے تال جِس نے دیس عشق دا کیتا دھر درباروں فتویٰ لیتا جدوں حضوروں پیالہ پیتا کجھ نہ رہیا جواب سوال جس تن لگیا عشق کمال ناچے بے سُر تے تال جِس دے اندر وسیا یار اُٹھیا یار و یار پُکار نہ اوہ چا ہے راگ نہ تار ایویں بیٹھا کھیڈے حال جس تن لگیا عشق کمال ناچے بے سُر تے بے تال بُلھیا! شوہ نگر سچ پایا جھوٹھا رَولا سبھ مُکایا سچیاں کارن سچ سُنایا پایا اُس دا پاک جمال جس تن لگیا عشق کمال ناچے بے سُر تے بے تال
