رانجھا رانجھا کردی نی

رانجھا رانجھا کردی نی میں آپے رانجھا ہوئی
سدّو نی مینُوں دھیدو رانجھا، ہِیر نہ آکھو کوئی

رانجھا میں وِچ، میں رانجھے وِچ، مینوں ہور خیال نہ کوئی
میں نہیں اوہ آپ ہے، اپنی آپ کرے دلجوئی
جو کوئی ساڈے اندر وسّے، ذات اساڈی سو ای
جس دے نال میں نیونہہ لگایا، اوہو جیہی ہوئی
ہَتّھ کُھونڈی میرے اگے مَنگُو، موڈھے بُھورا لوئی
بُلّھا ہیر سَلیٹی ویکھو، کِتّھے جا کھلوئی
چٹّی چادر لاہ سُٹ کڑیے، پہن فقیراں لوئی
چِٹّی چادر داغ لگیسی، لوئی داغ نہ کوئی

تخت ہزارے لے چل بُلھیا، سیالِیں ملے نہ ڈھوئی
رانجھا رانجھا کردی ہُن میں آپے رانجھا ہوئی

بلھے شاہ دی ہور شاعری

• ⟩  اب لگن لگی کیہ کریے
• ⟩  اُلٹے ہور زمانے آئے
• ⟩  اُٹھ جاگ گُھراڑے مار نہیں
• ⟩  اُٹھ گئے گوانڈھوں یار
• ⟩  اِک الف پڑھو چُھٹکارا اے
• ⟩  اِک رانجھا مینُوں لوڑِیدا
• ⟩  اِک نقطے وچ گل مُکدی اے
• ⟩  آ مِل یار سار لے میری
• ⟩  آؤ سیّو رل دیو نی ودھائی
• ⟩  اپنا دسّ ٹِکانا
• ⟩  بلھے شاہ دی ساری شاعری