بھانویں جان نی جان وے، ویہڑے آ وڑ میرے
مَیں تیرے قربان وے، ویہڑے آ وڑ میرے
تیرے جیسا ہور نہ کوئی
ُڈھونڈاں جنگل، بیلا، روہی
ڈھونڈاں تاں سارا جہان وے، ویہڑے آ وڑ میرے
میں تیرے قربان وے، ویہڑے آوڑ میرے
لوکاں دے بھانے چاک مہیں دا
رانجھا تاں لوکاں وِچ کیہندا
ساڈا تے دین ایمان وے،ویہڑے آوڑ میرے
میں تیرے قربان وے، ویہڑے آوڑ میرے
شاہ عنایت سائیں میرے
ماپے چھوڑ لگی لڑ تیرے
لائیاں دی لج جان وے،ویہڑے آوڑ میرے
میں تیرے قربان وے،ویہڑے آوڑ میرے
حوالہ: آکھیا بلھے شاہ نے؛ محمد آصف خان؛ پاکستان پنجابی ادبی بورڈ لاہور؛ صفحہ ( ویکھو )
