دل وچ نے اوہدے پیار دیاں، کی بھکھاں تساں کی دساں

دل وچ نے اوہدے پیار دیاں، کی بھکھاں تساں کی دساں
کی میتھوں دل دیاں پچھدے ہو، میں دل دیاں دساں کی دساں

اج اوہدے ساہمنے ٹھپّ رہے، سبھ دفتر گلہ گزاری دے
بے بسی جیہی کیوں وسی اے اج، دل دیاں وساں کی دساں

قدماں تے اوہدیاں شرماں دے، سر رکھے ہار شنگاراں نے
اج اوہنے کڈے ظلم دیاں، کڈھیاں سن ٹساں کی دساں

سرمے دی دھار تے لگی سی، دھار اوہدے کھیویاں نیناں دی
لگیاں سن نظر دے تیراں نوں، کجلے دیاں چساں کی دساں

کی دساں منہ پیا سکدا اے، کیوں میرا جی جی کردا اے
اوہ مینوں ایویں مارن پئے، کیوں دباں دھساں کی دساں

جا وسو بدلو ساؤن دیو، نہ پچھ نی بجلئیے لشکدی اے
کیوں ہسدا ہسدا روواں میں، کیوں رو رو ہساں کی دساں

شیشے نوں حیرت ویکھ میرا جی، جامے وچ سماؤندا نہ
میں خورے کدھر ولّ پیا، اج کمراں کساں کی دساں

سوکے تے کیہڑی سدھر دے، ہنجُواں دی مست پھہار پئی
وس گئیاں کدھر ہاواں دے، بدلاں دیاں لساں کی دساں

اج اوہدی شوخ نگاہ کاہتوں، شرماں وچ ڈبدی جاندی اے
کیوں اوہدیاں پلکاں نال پیا، میں تلیاں جھسّاں کی دساں

اکھاں تھیں دل وچ اتر کے، کوئی دل دا ڈیرہ چھڈّ گیا
اس اجڑے گھر وچ کیکن میں، پیا وساں رساں کی دساں

کیوں رند کوئی بت خانے نوں، کعبے دا پوکھا دیندا نہیں
میں بتّ خانے ول کعبے توں، پیا اٹھ اٹھ نساں کی دساں

کیوں دساں اوہدے پیاراں نے، چا کیہڑے رستے پایا اے
کیوں اساں فراقاں وصلاں دے، سر پائیاں بھساں کی دساں

اوہ ہمدم جدوں فقیر میرا، میرے دم دم وچ وسدا اے
کیوں گاواں گیت وراگاں دے، وچ اوہدیاں جساں کی دساں