دُکھاں بھرے ککارے نوں میں کیہ جاناں
پیار وہار خسارے نوں میں کیہ جاناں
پیار دے تھینہ وچ بھاویں جان کے آیا واں
ایتھوں دے ورتارے نوں میں کیہ جاناں
ان جھک ہوکے اکھاں تینوں تکیا اے
دُوجے ہور نظارے نوں میں کیہ جاناں
ہور کِسے دے بُوہے تے میں کیوں جاواں
تیتھوں غیر سہارے نوں میں کیہ جاناں
پریت دے دیوے بلدے رہندے ہنجواں نال
چانن دے لشکارے نوں میں کیہ جاناں
حوالہ: ڈونگھے سوتر، غلام فرید شوکت؛ ساہیوال پرنٹنگ پریس 1996؛ صفحہ 107 ( ویکھو )
