چن چاننی رات

چن چاننی رات
میں تے میرا اکلاپا
دوہیں کلّے کلّے
رات دا جادو
مِٹھا خاموش ہنیرا
کجھ باتاں پاوے
تے پھر چُپ ہو جاوے
ول وچ سُلگے مڑ
اپنے گھر پرتن دی تانگھ
گھر جوتوں میں پلاں وچ
اپنے ساہاں تے دھڑکناں
نال رچدے ہاں
تے اس گھر نوں سینے چ لکوئی
پھر تر پیندے ہاں۔۔۔
گھر جو تیریاں باہاں چ ہے
گھر جو تیرے ساہاں چ ہے
ہے ربا! اج دی ایہہ رات نہ مکّے
کیوں کہ کدوں دا اس تانگھ نے
میرا ہتھ گُھٹیا ہویا ہے
مینوں پتہ ربّا
تیرا اج دی رات
میرے نال تُرن نوں جی کردا ہے
تینوں وی تاں لوڑ ہوندی ہے
اس طرحاں دی عبادت دی
اس طرحاں دی تانگھ دی!!!