جندڑی دے میلے ہن چھیتی مُک جانا اے
سدھراں دے پانی والی رُڑھ بُک جانا اے
دُور کِتے سجناں نے ڈیرے ملے جا کے
نیناں والے کھوہ ہن چھیتی سُک جانا اے
غرضاں تے دُکھاں والا مینہہ انج وسیا
پیار والا رُکھ جاپے چھیتی سُک جانا اے
آساں والی تند جدوں تکلے توں ٹُٹنی
جندڑی دے چرخے نے آپے رُک جانا اے
تارے وی نیں ساتھوں بیبا کنڈھ کر لنگھدے
چن نے وی بدلاں دے اوہلے لُک جانا اے
سانبھ سانبھ رکھیں چناں ہاسیاں دے سُوٹ نوں
نہیں تے فیر دُکھاں والے کیڑے ٹُک جانا اے
