دھپّ دیاں تَیہاں سر تے دھر جاوے گا

دھپّ دیاں تَیہاں سر تے دھر جاوے گا
پُھلاں دا مُکھ بیرنگا کر جاوے گا

پلکاں چکّ کے دیکھ لیا کر میل سمیں،
تیرے دیکھن نال میرا سر جاوے گا

مار لیا کر غلطی کُجھ مسکاناں دی،
آہاں دی بُکل وچ دل ٹھہر جاوے گا

کنا چِر جھکھڑ نے جھلدے رہنا ہے،
گِھریا پنچھی، آخر نوں گھر آوے گا

جیون دے اس پنچھی دی نہ منزل مِتھّ،
اڈنوں پہلاں کٹ جس دا پر جاوے گا

ٹور مری دے نال رلا کے ڈنگھاں بھر،
'لکڑ' دے سنگ لوہا وی تر جاوے گا

بے سمجھا! توں بات نہ اس دی دل نوں لا،
بھوت نشے دا راتیں اتر جاوے گا

شرط کدے نہ لاویں عشق محبت وچ،
ہر اک سچا، آخر نوں ہر جاوے گا

'نور' کدوں تکّ سانبھو جند مجاجن نوں،
اک دن اَجلاں دا لاڑھا ور جاوے گا