یاداں دے جھکھڑ نے کیتے جھلّے ہاں

یاداں دے جھکھڑ نے کیتے جھلّے ہاں
بِرہا دے بوہے تے بیٹھے، کلے ہاں

پیار ترے نوں، کسوٹی 'تے پرکھاں گے
عشقَ جھناں چوں 'سوہنی' لبھن چلے ہاں

زخمی سفنے بُوہکن یاد پٹاری وچ
دیکھن والے سمجھن، بلے بلے ہاں

آؤندی وانگ ہواواں، چھوہندی لنگھ جاندی
یاد تری دے سہندا وار اَولّے ہاں

اوہ اوتھے، میں ایتھے بھٹکاں نھیرے وچ
دوویں رہندے اِکو سورج تھلے ہاں

ریہن نہیں جے دینا نال محبت دے
سانبھو لوکو دنیاں! آپاں چلے ہاں

کون خریدے وتوں باہری قیمت تے
شاعر ہاں شعراں توں ودھ سوَلّے ہاں

ویہلے کرکے دفتر نے گھر گھلّ دتے
کھاندے پِھردے ایدھر اودھر ٹلّے ہاں

شکوہ کرنا ہے تاں کر اس اگے نور
جس نے ہوکے دے کے جگّ 'تے گھلّے ہاں