کی اندازہ لاواں ٹور نرالی توں؟
تیرے مُکھ دی مدھم پیندی لالی توں
کِنج بچاواں پت جھڑ توں رُکھ ریجھاں دا،
پیلے ہو کے پتر ٹُٹن ڈالی توں
'خوشیاں دی سوغات نہیں 'غم' دے جاؤ،
کجھ تاں چنگا ہے، دل خالی خالی توں
ماس جگر دا 'غم' نوں بُھنّ کھواؤن لئی،
ڈکّے توڑ لئے 'بِرہا' دی ٹاہلی توں
شوخ اداواں لے کے ایتھوں ٹُر جاوو،
دل نوں گِھن آؤندی ہے ہاسے جعلی توں
کیوں دسدے ہو مینوں رستہ خواری دا،
بچنا چاہندا ہاں میں عشق پیالی توں
کھیتاں دا کیوں سینہ ساڑی جاندے ہو،
'گتا' بندے 'تُوڑی' اتے 'پرالی' توں
جس نوں دِتا منگاں، دشمن بن جاوے،
تاہیؤں بچدا ہاں ہر اک سوالی توں
مٹھا بول بلاوے جے کر اس نوں نور
ارتھ نویں اوہ کڈھے نرم خیالی توں
