اجے نہیں بھوکن کُتے چھڈیا اجے کدائیں کوئی چور ودا اے
اجے نہیں باہک دا سُکھ ثبوتا نھیرے وچ کوئی ہور ودا اے
اجے ایہہ بال کھڈونے منگدائے بالڑی منگدی ونگاں چُنّی
اجے دعا دی وِٹک پتہ نہیں دل دے ویہڑے شور ودا اے
مندر دی ہر ٹلی کھڑکی اَجن مسیتیں بانگ نہیں آئی
اجے نہیں سسّی کیچ اُلیکیا چیتا چِت بھنبھر ودا اے
اجے نہیں تاہنگھ بھروسے جوگی اجے نہیں رنگاں مُورت جاچی
اجے ہنیرا کورا کاگت اُنجے نواں نکور ودا اے
اجے نہیں منظر پورا ناصؔر رات ہنیری جگنو کوئی نہیں
گُھپ ہنیرے جنگل دے وِچ کملا نچدا مور ودا اے
