برما

کسے وی رات دی کالک
کسے وی دینہہ دے منہ اُتے
کدی وی میں نئیں ویکھی
کدی وی ایہہ ہو نئیں سکدا

کدی ایہہ ہو نئیں سکدا
کسے وی چن دے اوہلے تے
جے تارے بہہ کے ویکھن تاں

کسے وی رات دی کالک
کسے وی پاسیوں آکے
ہنیرا دان کرجاوے
کدی ایہہ ہو نئیں سکدا

کسی ایہہ ہو نئیں سکدا
کسے وی رات دی کالک
کسے جُگنوں دی کنڈ اُتوں
چمکدا نُور ہُنجھ کے تے
ہنیرا دان کرجاوے
سفر ویران کر جاوے
کدی ایہہ ہو نئیں سکیا

کدی ایہہ ہو نئیں سکیا
میں تینوں پُچھ نئیں سکدا

اجازت جے کدی ہووے
میں تیتھوں نِت پُچھاں ایہہ
میں تینوں گوتما دس خاں
بھلا آکھاں تے کیہ آکھاں