کدوں کُو تیکر

موتے بھیڑیے نہیوں چنگے
جیون نال ایہہ وادھے جیہڑے
کردی رہی ایں، کردی پئی ایں
کنّاں کُو چر تیرے شِشکر

ڈردی واہر نوں کھجل کرنا یں
جیون اگّے اُنگل کرکے
موتے بھیڑیے کدوں کُو تیکر

اَکھ نوٹیجی، انّھی راہنایں، کُجھ نہیں دِسنا
کنّاں کُو چر سِک ملن دی، سِکدیاں راہنا

لُک کے باہنایں
کنّاں کو چر، کدھاں جیون، ویہڑا موت
کنّاں کُو چر، رَتّے بیر اُڈیکن روڑے
کنّاں کُو چر رَسیاں تُوتاں دے ڈِھگ، مکھیاں کھانے

موتے بھیڑیے کنّاں کُو چر
حشر دے گھر اچ، حشر دی تھاہرے توں راہنایں
گھر آلے گھر آ نہیں جاندے
جناں کو چر رب اوہلا اے، سب اوہلا اے