اوہدا روپ قیامت یارو کتھوں کتھوں کجاں اوہ دارُو دا جام نشیلا پی پی کے نہ رجاں اوہدیاں بلھیاں رس ملائی لوکی ویکھ کے ترسن اوہدا جُوڑا کھل جاوے تے بدل مینہ دے برسن اوہدے تکھے نک دا کوکا دُوروں لِشکاں مارے اوہدے متھے چن دا ٹِکا کِنیں چمکن تارے اوہدے خون دی گرمی کولوں سورج وی گھبراوے اوہدی زلف دے کُنڈل کولوں سپنی وی ڈر جاوے اوہدی گلھاں دُدھوں چِٹیاں جُوں مکھن دا پیڑا پتھر وانگ کھلو رہندا اے اوہنوں ویکھے جیہڑا اوہدے ہتھ نیں کُولے کُولے جوں ریشم دے دھاگے اوہدے روپ نوں ویکھن خاظر سُتّے وی اج جاگے اوہدا پنڈا شیشے ورگا انگ انگ مارے جھاتی بوتل ورگے لَک دے اُتے پیلاں پاندی چھاتی اوہدے ربڑی لَک دے تھلے ریشم ورگے گولے اوہدا انگ انگ لچکاں مارے ٹُر دی ہولے ہولے کالے رنگ دی کُرتی اندر گوریاں گوریاں بانہواں رات تے دن نوں کٹھیاں ویکھ کے کدھرے مر نا جاوں اوہدا قد اُچیرا اُتوں گز گز لمے وال اوہدا لَک بُلارے کھاندا جُوں ٹھمری دی تال اوہدے نین شرابی سانوں بھر بھر جام پیاون اوہدی اکھ دے کجل کولوں موسم وی ڈر جاون اوہ بولے تے اِنج لگدا اے جھانجھر کوئی چھنکاوے ساہ وی لوہے تے اوہدی خوشبو رُتاں نوں مہکاوے اوہدیاں گلاں مٹھّیاں مٹھّیاں جُوں مصری دیاں ڈَلیاں اوہدیاں بلھیاں کِھڑیاں کِھڑیاں جُوں باگاں وچ کلیاں اوہدا پنڈا پارے وانگوں ایدھر اودھر نسّے اوہدے تن دا اک اک حصہ ساڈے من وچ وَسّے اوہدا رُوپ قیامت یارو کتھوں کتھوں کجاں اوہ دارُو دا جام نشیلا پی پی کے نہ رجاں
