اوس کُڑی دے نام
جس دا بدن گلاب دی ٹہنی
ہوٹھ نشے دے جام
اکھ کھولے تے سورج لِشکے
بند کرے تے شام
اوس کُڑی دے نام
جس نے تکیا رات دا تارا
وچ فجراں دے روٸی
گلمے وچ لکویا سُورج
اکھ وچ رَت لکوٸی
اوس کُڑی دے نام
جس نے پبّاں بھار کھلو کے
دِتی عشق دی بانگ
جس دا رنگ محبتاں ورگا
آپ بہاراں وانگ
اوس کُڑی دے نام
جس دا بدن گلاب دی ٹہنی
ہوٹھ نشے دے جام
اکھ کھولے تے سورج لِشکے
بند کرے تے شام
اوس کُڑی دے نام
اوس کُڑی دے نام
