نہ بیبا

شریف کنجاہی

کی ہن پھر پریتاں پائیے؟
فیر آساں نوں پانی لائیے؟
فیر آپے وچ رل مل جائیے؟
نہ بیبا ہُن میں نہیں اینے جوگی
ہن نہیں ایہناں ڈونگھیاں پینڈیاں دے وچ وڑنے جوگی
ہن نہیں ایہناں بلدیاں اگاں دے وچ سڑنے جوگی
ہن نہیں اینی مورکھ
اپنی لکھاں دی کُلّی نوں آپ چواتی لاواں

پچھلیاں گلاں ایویں چھیڑیں
کھیہنو وچوں لیراں کُلّھن
تیریاں کیتیاں یاد نیں مینوں
بُھلدیاں بُھلدیاں بھلن
جد ہُن دِلوں مُکائی، اڑیا!
کی مُڑ کرنی سُننی
بُھلا راہ ہُن کاہنوں پُچھیئے
پِنڈ نہیں جد جانا
جھٹ نُوں بھار جے سُٹنا ہووے
پہلاں کانہوں چانا
نہ بیبا ہُن میں نہیں اینے جوگی

دوجی لِپی وچ پڑھو

Roman    ਗੁਰਮੁਖੀ   

شریف کنجاہی دی ہور شاعری