بے درداں دے دِل دے اُتے آہ دی کِیہ تاثیر

بے درداں دے دِل دے اُتے آہ دی کِیہ تاثیر
اک ہوا دا بُلّا کِھچے پانی وِچ لکِیر

اک پَل بیٹھے ہاواں بھرے اِک پَل وگدے نِیر
عشق نمانڑا روگ اولّڑا ساڈی کِیہ تقصِیر

پَل پَل اندر حُسن وکھاوے وکھرا وکھرا رنگ
نظر نظر وِچ کِھچدی جاوے نوِیں نویں تصوِیر

نِیوِیاں نظراں والے پاوندے دُور دُراڈے جھات
ہتھ جیہناں دے نرم کماناں، سخت چلاوندے تِیر

ہجر وچھوڑیاں توں وی ڈاڈھا، وَصلاں دا جنجال
خوابوں توں وی وَدھ گھنیری، خوابوں دی تعبیر