کِسے دی یاد

کیا سوہنے شام سویرے سَن، کِنّیاں سوہنِیاں دِن تے راتاں سَن
نظراں نال نظراں ہسدِیاں سَن، اتے دِل دِیاں دل نال باتاں سَن

سانُوں گلّاں کردیاں تک تک کے، تاریاں دِیاں نظراں بَھوں گئیاں
ایہہ گلاں کدے نہیں مُکنِیاں سَن، اسِیں جاگدے رہے اوہ سَوں گئیاں

اَج مُدت ہوئی مَوت ہتّھوں، میری جان چُپ ہو کے بہہ گئی تُوں
سبھ گلّاں خواب خیال ہوئیاں، اِک خاک دی ڈھیری رہ گئی تُوں

پر ویکھ اس ڈھیری وِچّوں بھی، اجے یاد تیری پئی تکدی اے
تینُوں موت نے میتھوں کھوہ لِیتا، ایس یاد نُوں کھوہ نہیں سکدی اے