ڈونگھیاں جھاتاں پئے نہ سکن، نیڑے نظراں پا لیئے

ڈونگھِیاں جھاتاں پئے نہ سکن، نیڑے نظراں پا لیئے
دِل نال دِل جے مِل نہ سکّے، اِکّو اَکّھ نال اَکّھ مَلا لیئے

قسمت تے ورقاں تے جانے کِیہ کُجھ لِکھدے جانّدے نیں
ہتھ پوے تے اسِیں وی اپنے دو چار اَکھر واہ لیئے

آ اِک واری پھیر جگائیے، پیار دیاں سُتِیاں یاداں نُوں
سُکّے ہوئے ٹہناں اُتے سجرے پُھل سجا لیئے

حُسن دا اپنا رُوپ نہیں کوئی سِدھا سادا پتّھر اے
ایس پتّھر دے وچوں جو بھی چاہیے بُت بنا لیئے