مِنّتاں کردِیاں ترلے لیندیاں، ہوکے بھردِیاں اَکھّاں
تیری دِید دی خاطر سجنا، کِیہ کُجھ کردِیاں اَکھّاں
کدی دِلاں دے راز چھپاون، پلکاں توں وی اوہلے
کدی محبّت دے وِچ آکے، گلّاں کردیاں اکھّاں
راہ دِلاں دے دُور دراڈے، نظراں توں نہیں مُکدے
دِل دِلاں وِچ آپے جھکدے، ایویں ڈردِیاں اکھّاں
اوہ متوالیاں مَست نگاہواں، فیر نظر نہیں آئیاں
اساں تبسّم تک چھڈیاں نیں، دُنیا بھردِیاں اکھّاں
حوالہ: نظراں کردیاں گلّاں، صوفی غلام مصطفٰی تبسم ( ویکھو )
