ہر پاسے شور
نوِیاں سدھراں، نوِیاں آساں
پھیر مُڑ کِیتا زور
نواں سال، نِویں زندگی دی
پیا وکھاوے ٹور
ہر اِک نوِیاں سوچاں سوچے
میں سوچاں کُجھ ہور
جانے قُدرت کیویں کردی
قِسمت والی وَنڈ
کدی جھولی وِچ پوے چریدا
کدی جھولی وچ کھنڈ
کدے سینے وچ بھانبھڑ بالے
کدے سینے وچ ٹھنڈ
مَیں تے ایہہ ای جاننا ایں صُوفی
نواں سال، نویں کمّاں دی
نویں فرضاں دی
نویں بھاراں دی
لَے آیا اِک پَنڈ
حوالہ: نظراں کردیاں گلّاں، صوفی غلام مصطفٰی تبسم ( ویکھو )
