نہ شبنم پُھل نوں پُچھدی سی، نہ پُھل شبنم نوں دسدا سی

نہ شبنم پُھل نُوں پُچھدی سی، نہ پُھل شبنم نُوں دَسدا سی
جو رونّدا سی سو رونّدا سی، جو ہسدا سی سو ہسدا سی

جے اَج برباد ساڈی زنّدگی ہوئی تے کِیہ ہویا
کدی آباد سی دُنیا، کدی ایہ دِل وی وَسدا سی

محبت والیاں دی زنّدگی دا راز کِیہ پُچھنا ایں
نہ کوئی حال پُچھدا سی، نہ کوئی حال دَسدا سی

خدا جانے محبّت دی کہانی کِیہ کہانی سی
کوئی سُن سُن کے رونّدا سی، کوئی سُن سُن کے ہسدا سی