سر تے بھاویں دھپّ دی کھاری، پھر وی جثّا ٹھریا ٹھریا
بُلاں اُتے ہاسے نے پر، اندروں بندا ڈریا ڈریا
دغّ دغّ کردے مکھڑے دیکھاں، رچنا وی نا سامبھی جاوے
ہر کوئی آپنے فکریں ڈُبا، بھاویں میلا بھریا بھریا
چنّ دیاں کِرناں اس جثّے تے، کی پئیاں سن پُھلّ کھڑے سن
جیویں رستا جدھر دیکھاں، مہکاں دے نال بھریا بھریا
اوہدیاں نفرت نظراں اندر، سورج ورگا سیکا تکّ کے
میں تے کی پرچھاواں وی سی، برفاں وانگوں کُھریا کُھریا
جنگل، بیلا، امبر، دھرتی، میں ہرفاں وچ کیلے اکرم
سوچ سمندر وی ہُن جاپے، پلکاں اُتے دھریا دھریا
