نی کڑے!
ٹھنڈھی اگّ دا کوڑا گھٹّ بھر
تے متھے تے کھڑی تیجی اکھّ نال
بتّ بنے ویلے نوں گُھوری وٹّ
ایویں رسے کیوں وَٹدی رہنی ایں ؟
خیال مردے نئیں ہندے
کوئی اکھّ اے
جو تیرے خیال پڑھ لیندی اے
کوئی خیال اے
جو اپنا جوڑا لبھّ لیندا اے
دو خیالاں دے جوڑے نے
اک نواں خیال جنمیا اے
جِہدا اجے کوئی نام نئیں رکھیا گیا
کِویں رکھدے ؟
پیو دے خانے وچ
ماں دا نام کون قبولدا ؟
جس سچّ نوں سمیں دی ککھّ نا سامبھ سکی
اوہنوں جھوٹھ دا پنگھوڑا کون جھوٹن دیندا ؟
اوہ زہر دا سواد کی دسے ؟
خیال مردے نئیں ہندے
بس لفظاں دیاں قبراں وچ
ادھّ موئے پئے سہکدے رہندے ہن
کسے سولی دا پھاہ
اونھاں دے گل وچ پورا نئیں آؤندا
توں ایویں رسّے کیوں وٹدی رہنی ایں ؟
