گھورنا بندے نوں ربی شان نہیں
میں آں جے پاپی تے توں رحمٰن نہیں
بتّ بن کے بندگی وچ رہِ پوے
تیرے بندے دی ایہہ ربا شان نہیں
زندگی دتی اے جیہڑی مرن لئی
میں کدوں آہناں تیرا احسان نہیں
ہووےگا مشکل تماشہ موت دا
زندگی دی کھیڈ وی آسان نہیں
زور لگے نے خدائی دے بڑے
بنیا پر بندہ اجے انسان نہیں
علم اسماناں تے اڈدے پر اجے
علم دے جُثے وچ آئی جان نہیں
نکل گئے دنیا دے سبھ ارمان نے
نکلیا دنیا دا کوئی ارمان نہیں
میرے دل وی کھادھیاں نے جنبشاں
چھڈیا جے گردشاں اسمان نہیں
دل تے کردے ہمت ازمائیے 'فقیر'
پر محبت دا اوہ میدان نہیں
