خیر چاہنا واں شر دی مینوں لوڑ نہیں

خیر چاہنا واں شر دی مینوں لوڑ نہیں
دُکھاں بھرے نگر دی مینوں لوڑ نہیں

ویلے نوں میں اپنے رنگ وچ رنگیا اے
کِسے دی شام سحر دی مینوں لوڑ نہیں

ہجر دا گُجھا تاپ اے میری قسمت وچ
کُوڑے چارہ گر دی مینوں لوڑ نہیں

جیندا دل کِسے دا درد پِچھانے نہ
ایہو جیہے دلبر دی مینوں لوڑ نہیں

جِس دے کیتیاں ہتھاں وچ ہتھکڑیاں پین
ایہو جیہے ہُنر دی مینوں لوڑ نہیں

اپنی مرضی جاگیئے بھویں سو جائیے
غیر دے رعب اثر دی مینوں لوڑ نہیں

چھپر جُھگی ڈھارا کوئی لبھنا واں
لمے چوڑے گھر دی مینوں لوڑ نہیں

پیار تے اپنی مرضی لبھدا شوکت
غیراں نال سفر دی مینوں لوڑ نہیں

غلام فرید شوکت دی ہور شاعری

• ⟩  اپنا مُل ہمیشہ آپے ای لاندے رہے
• ⟩  بے قدراں دے اگے دُکھڑے پھولیں ناں
• ⟩  تیرے وانگوں طعنے دل تے لگدے نیں
• ⟩  جی ڈردا اے رُس گئیاں تقدیراں توں
• ⟩  خیر چاہنا واں شر دی مینوں لوڑ نہیں
• ⟩  دُکھاں بھرے ککارے نوں میں کیہ جاناں
• ⟩  دُھپاں لوواں ہس کے جہڑے سہہ جاندے
• ⟩  شالا کِسے نوں اپنا یار بنا لیندے
• ⟩  لوکی وچارے پھر دے ڈاواں ڈول نیں
• ⟩  مرہم کتھوں لبھے زخمی سوچاں دی
• ⟩  غلام فرید شوکت دی ساری شاعری