پہلا بول سمرپِت میرا، کُل دھرتی دِیاں ماواں نوں

پہلا بول سمرپِت میرا، کُل دھرتی دِیاں ماواں نوں
پال پوس جِن وڈیاں کیتا، نِکیاں نِکیاں چاواں نوں

دھرمی بابل جُگت سِکھائی، چڑھدے پانی ترن لئی،
پار کرن دی طاقت بخشی، بھر وگدے دریاواں نوں

رُوپ میرے وِچ توں وی شامل، سورج دی لِشکور دے وانگ
نواں نویلا رنگ چڑھایا، آؤندے جاندے ساہواں نوں

گھاہ دِیاں پتیاں، تریل دے موتی، کرن گفتگو شام سویر،
ویکھ لیا کر تڑکسار توں، من توں من دے راہواں نوں

سجری سجری، کوسی کوسی، سِخر سیالی دُھپ دے وانگ
رِشم رُوپہِلی بن آیا کر، ساڈے وطن گِراواں نوں

بچیاں ہتھوں ٹُکر کھوہندے، جھپٹ مار کے اُڈ جاندے،
مار غلیلاں چل اُڈائیے، مکیاں ڈُنگدے کاوا ں نوں

اُنگلی پکڑ سِکھایا تُرنا، پر دِتے نیں اُڑن لئی،
سدا سلامت رکھیں مولا، میرے بھین بھراواں نوں