جِناں جُثے وچ پیا ہے سارا دے دے

جِناں جُثے وچ پیا ہے سارا دے دے
اپنا غصہ کجھ دن ہور ادھارا دے دے

شاید سانجھ بنی رہِ جاوے دو قوماں دی،
مندر لے لے مینوں گرودوارا دے دے

کجھ پل خاطر دیکھ لواں دنیاں تے جی کے،
سفنے وچ ہی ہوٹل پنج ستارہ دے دے

ونج وفا دا جس نے کیتا دھوکھا کھادا،
جیون جوگیا! وادھا سانبھ خسارا دے دے

جیوندے رہن لئی کوئی تاں حیلہ ہووے،
بھاویں پرلو تیک ملن دا لارا دے دے

دیکھ سکن بچے کلی توں باہر رہ کے،
چھت لواں گھر ربا! اٹاں، گارا دے دے

کم کِسے دے آواں اپنی کرکے کھاواں،
بھلّ گیا، ہمت تے ہنر دوبارہ دے دے

جتھے مرضی چردی پھرے چرانداں دے وچ،
الڑ بچھے ورگی جند آوارہ دے دے

یاد جدوں آویگی جھاتی مار لواں گے،
جاندا جاندا اپنا نور اتارا دے دے