تیرے نیناں وچّ اداواں ہون گیاں

تیرے نیناں وچّ اداواں ہون گیاں
میرے خواباں وچّ اِچھاواں ہون گیاں

نہ توں، نہ میں، ہوواں گے دھرتی اُتے،
ساڈے ساہاں دیاں ہواواں ہون گیاں

گیڑیں گا توں جد وی ہلٹ سراپاں دا،
بھریاں ٹنڈاں وچّ دعاواں ہون گیاں

جد اوہ مریاں، وین گوانڈھاں تکّ پہنچے،
ریجھاں دے گھر روئیاں ماواں ہون گیاں

نال مرے تر، دیکھیں لوک نگاہاں ولّ،
گھوردیاں سبھ چار دشاواں ہون گیاں

ٹُٹیں گا، سکّ جاویں گا پتیاں وانگوں،
نال رہیں گا، چھتریں چھاواں ہون گیاں

سمجھ لیا توں جس نوں جھکھڑ روہیاں دا،
برہا مارے دل دیاں آہاں ہون گیاں

'یاداں دے اکھر' دل اتے لکھ کے دیکھ،
پنگتیاں میرا سرناواں ہون گیاں

دل وچ 'آس' دا بوٹا لا کے بہہ جا 'نور'
آپے سر توں دور خزاواں ہون گیاں