ترنجن وچ چرخہ ڈاہ کے
ماہیا وے ماہیا
ہُن کُڑیاں کردیاں گلاں
مینوں سبھے کردیاں ٹوکاں
میں ککن اوہناں نوں روکاں
اوہ گُجھیاں رمزاں مارن
گھڑیاں نوں ڈوبن تارن
سوہنی دے قصّے چھیڑن
سسی دیاں گاون جھوکاں
سجنا وے سجنا
لگیاں نوں اَوکھا کجنا
اک دن سی گھا گے بھجنا
میں کِس کِس توں مونہہ موڑاں
کس کس نال ملنا چھوڑاں
مینوں جگ دے مہنے چنّا!
ترنجن وچ چرخہ ڈاہ کے
ہُن گلّاں کردیاں رنّاں
حوالہ: جگراتے، شریف کنجاہی؛ 1958؛ صفحہ 26 ( ویکھو )
