ہرا رنگ ہریالی موت

ظفر اقبال

ہرا رنگ ہریالی موت
پانی دے دے پالی موت

لُکدا چُھپدا پھردا میں
دیندی روز وکھالی موت

کئی وار میں مر چُکیَاں
کئی وار میں ٹالی موت

پالے پئے تے ویہڑے وچ
ہتھ سیکن نوں بالی موت

کیہی سجی سجی لگی سی
گورے رنگ تے کالی موت

اپنے اندر پا لئی میں
بن گئی لہو دی لالی موت

دُوروں اُڈدی آ جانی ایں
ساویاں کھمباں والی موت

مرنا میتھوں وکھ نہیں
روز ای مراں خیالی موت

میں ای گھر نہیں ہوندا ظفرا
آوندی سال بسالی موت

دوجی لِپی وچ پڑھو

Roman    ਗੁਰਮੁਖੀ   

ظفر اقبال دی ہور شاعری